آئی سی سی چیمپئنز ٹرافی 2025 کا شیڈول اور گروپس کا اعلان کر دیا گیا ہے۔ ایونٹ کا افتتاحی میچ 19 فروری 2025 کو کراچی میں پاکستان اور نیوزی لینڈ کے درمیان کھیلا جائے گا، جبکہ فائنل 9 مارچ کو ہوگا۔یہ ایونٹ آٹھ ٹیموں پر مشتمل ہے اور مجموعی طور پر 15 میچز کھیلے جائیں گے، جن کا انعقاد پاکستان اور دبئی میں کیا جائے گا۔ پاکستان میں راولپنڈی، لاہور اور کراچی میں میچز ہوں گے۔ ہر وینیو میں تین گروپ میچز ہوں گے، جبکہ لاہور دوسرے سیمی فائنل اور بھارت کے فائنل میں نہ پہنچنے کی صورت میں فائنل کی میزبانی کرے گا۔ اگر بھارت فائنل کے لیے کوالیفائی کرتا ہے، تو فائنل دبئی میں کھیلا جائے گا۔ایونٹ کی اہم تفصیلات:دونوں سیمی فائنلز اور فائنل کے لیے ریزرو دن مختص کیے گئے ہیں۔بھارت کے تین گروپ میچز اور سیمی فائنل کے لیے پہلا سیمی فائنل دبئی میں ہوگا۔افتتاحی میچ اور اہم مقابلے:افتتاحی میچ 19 فروری کو کراچی میں پاکستان اور نیوزی لینڈ کے درمیان ہوگا۔20 فروری کو دبئی میں بھارت اور بنگلہ دیش کے درمیان میچ ہوگا۔21 فروری کو کراچی میں گروپ بی کے میچز کا آغاز ہوگا، جس میں افغانستان اور جنوبی افریقہ کا مقابلہ ہوگا۔22 فروری کو لاہور میں انگلینڈ اور آسٹریلیا کے درمیان اہم مقابلہ ہوگا، جبکہ 23 فروری کو دبئی میں پاکستان اور بھارت کے درمیان بڑا ٹاکرا ہوگا۔ٹورنامنٹ میں شامل ٹیمیں اور گروپس: چیمپئنز ٹرافی 2025 میں وہ آٹھ ٹیمیں حصہ لے رہی ہیں جو آئی سی سی مینز کرکٹ ورلڈکپ 2023 کے پوائنٹس ٹیبل پر ٹاپ 8 پوزیشنز پر رہی ہیں۔گروپ اے: پاکستان، بھارت، نیوزی لینڈ، بنگلہ دیشگروپ بی: جنوبی افریقہ، آسٹریلیا، افغانستان، انگلینڈیہ ایونٹ کرکٹ کے شائقین کے لیے ایک شاندار موقع ہوگا، جس میں دنیا کی بہترین ٹیمیں ایک دوسرے کے خلاف کھیلیں گی۔