گال کوئی وی کائے نا ہائی فسانہ بنڑیا گئے
کن فیکون تے زمانہ بنڑیا گئے

جادو بھریں اکھیں والا میلے وچ آئے
جیندو جیندو ڈٹھے سی دیوانہ بنڑیا گئے

ہک چُنی حال دا حوالہ بنڑی ہائی
ہک بوسہ پیار دا بہانہ بنڑیا گئے

تیڈے پاروں دل کوں تسلی ملی ہے
بہرو آلا موسم ای سہانا بنڑیا گئے

پتہ نی کیوں اِتلا قریب آیا ہا
پتہ نی کیوں اِتلا بیگانه بنڑیا گئے

جیہڑی جاہ تے رات ٹِکیے میلے لگے ہن
جیہڑی جاہ تے رکیا نی ویرانہ بنڑیا گئے

اکھیں نال اکھیں لڑیاں دوروں اصغر
دل تاں قریب توں نشانہ بنڑیا گئے