نکے نکے لوک ہیں اساں کڈاں سوکھے ڈسدوں
ساکوں جیکر ڈیکھنڑاں چاہندیں پوریاں اکھیں کھول

توں ستیں تاں دھرتی ساڈی اکا رنگ نی بدلا
زندگی ہووی جیویں شالا بھوریاں اکھیں کھول

توں جو ساڈا خالق ہیویں کیشے ڈیہدا بیٹھیں
پھلاں کولوں تھیندیاں نیں مزدوریاں اکھیں کھول

سنڑیا نیہوی ہیر کوں اگیں کھیڑے گھن کے ٹرگئے
وت وی رج رج کھاندا بیٹھیں چوریاں اکھیں کھول

نہ کوئی کال نہ میسج تیڈا نہ کوئی قاصد آندے
ساڈے وچ ہنڑ پوندیاں ویندن دوریاں اکھیں کھول