اپنڑی جھوک دا آدر سائیاں اپنڑی جاہ دا آدر
ساکوں وڈکیاں آکھے کرنے پڑ دی پاہ دا آدر
مردے دم تائیں دھواں میڈے چار چفیروں ریہے
گڑ گڑ کرکے حقے کیتے چھیکڑی ساہ دا آدر
رستے بھانویں جینجھے ہوون منزل تونڑیں نیندن
سدھی راہ دا آدر کرنے ڈنگی راہ دا آدر
اساں کوہنی بجھنڑ ڈتی پھوکے ڈے بھڑکایائے
ساکوں ورثے دےوچ ملے عشق دی بھاء دا آدر
کہیں بندے وی تیڈے منشو اج تائیں ہتھ نی چمے
کہیں کوں وی نی کرنا آیا تیڈی چاہ دا آدر
