اساں ہسے مُج محفل دا اساں یارمیراثی
اگلے پاہر میراثی اساں پچھلے پاہر میراثی
وستی چپ ہے ڈر توں کوئی وی کئو کڑک نی آندی
توں چا اپنڑی ڈھولک اتے لاڑا مار میراثی
خشیاں ہاسے ونڈنڑ آلا وڈا بندہ ہوندے
توں وسوں دا وڈا بندہ توں سردار میراثی
تیڈے اندر آکڑ کوہنی جھکا جھکا راہندیں
ایویں لگدے توں وی ہیویں میڈی کار میراثی
ڈو فرقیاں ءچ جنگ چھڑ ویندی رت دیاں نہراں واہندے
شکر اے جو بھج کے آگئے ادھ وچکار میراثی
کجھ ورہیاں تائیں کلہیں بہہ کے دول وجیندا ریہاں
ہنڑ تاں ہے پیا ساڈا منشو سارا شاہر میراثی
