پیسہ آئے تاں اوں جاہ ت گیراج بنڑائے می
جیڑھی جاہ ت یاراں کیتے بیٹھک ہئی پئی
کیں ہے اوندے مونڈھے اتے رائفل ٹنگی
ہک پٹھڑنکے بال دے ہتھیں چینک ہئی پئی
بکھا پلے دار ہک مر گئے بوریاں تلے آکے
ڈکھ تاں اے ہے بوریاں دے وچ کنڑک ہئی پئی
ہنڑ او تیڈے پہلے آلے رنگ نی رہ گئے
اگیں تیڈے انگ انگ دے وچ چھنڑک ہئی پئ
اپنڑے فن دے اندر لاہونڑ اینکوں آہدن
مردے دم تائیں دولی دے گل ڈھولک ہئی پئی
ہنڑ میں اپنڑیاں اکھیں پکیاں بند کر چھوڑن
اگیں ایں غستان دے وچوں سڑک ہئی پئی
منشو تیڈے بعد اندھارا گھپ ہے سارا
تیڈے نال تاں وسبے دے وچ رونق ہئی پئی
