ایڈیشنل ڈسٹرکٹ اینڈ سیشن جج وسطی نے سوشل میڈیا پر نماز کی بے حرمتی کے حوالے سے یوٹیوبر رجب بٹ اور دیگر افراد کو نوٹس جاری کر دیے ہیں۔ یہ معاملہ ایڈوکیٹ ریاض علی سولنگی کی درخواست پر سماعت کے دوران سامنے آیا۔درخواست گزار کے وکیل نے عدالت میں موقف اختیار کیا کہ رجب بٹ نے شعائر اسلام کی بے حرمتی کی ہے، جس سے مسلمانوں کی دل آزاری ہوئی ہے۔ درخواست میں یوٹیوبر رجب بٹ پر نماز کی بے حرمتی کا الزام عائد کیا گیا ہے۔عدالت نے رجب بٹ اور دیگر کو نوٹس جاری کرتے ہوئے تھانہ حیدری کے ایس ایچ او سے رپورٹ طلب کر لی۔ عدالت نے ریمارکس دیے کہ ایس ایچ او اس معاملے پر 13 جنوری تک اپنی تحقیقاتی رپورٹ جمع کروائیں۔ یہ کیس سوشل میڈیا پر مذہبی عقائد کی توہین کے خلاف اٹھائے گئے اقدامات کا حصہ ہے۔