اسلام آباد (مانیٹرنگ ڈیسک)پاکستان تحریکِ انصاف کے رہنما فواد چوہدری نے اپنے ایک بیان میں کہا کہ مونس الہٰی اور ان کے خاندان پر دباؤ بڑھانے کے لیے انہیں ہراساں کیا جا رہا ہے، تحریکِ انصاف اس کی شدید مذمت کرتی ہے۔

سماجی رابطے کی ایک ویب سائٹ پر ٹویٹ میں فواد چوہدری نے کہا ہے کہ موجودہ حکومت کو برقرار رکھنے کے لیے اسٹیبلشمنٹ کے پاس طاقت کا استعمال کرنے کے علاوہ کوئی چارہ نہیں۔

نو فلائی لسٹ میں اندراج

واضح رہے کہ گزشتہ روزٹی وی پروگرام میں گفتگو کرتے ہوئے پاکستان مسلم لیگ ق کے رہنما مونس الہٰی نے کہا تھا کہ میری والدہ، اہلیہ، بھائی اور بھابھی کو نو فلائی لسٹ میں ڈال دیا گیا ہے۔

مونس الہٰی کا بیان

مونس الہٰی نے یہ مزید یہ بھی  کہا تھا کہ لگتا ہے کہ اگلی باری میری اور میرے والد کی ہو گی، یہ سب اس لیے کیا جا رہا ہے تاکہ ہم پی ڈی ایم کا ساتھ دیں۔

بولو نیوز اردو