جڈاں میں وستی کوں چھوڑیا ھا
اندھارا غُپ ھا
عجیب چُپ ھا
عجیب دُھن ھا
دماغ سُن ھا
جڈاں میں وستی کوں چھوڑیا ھا
بُکینڑ میڈی جُدائی دا سُنڑ کے مر گئی ہئی
ہوا دے ہونداں وی اپڑیں پَتّر ہلیندی نئی پئی
مسیت دے ڈو منار… ہک بئے کوں آکھدے ہن
اساڈے وانگوں
وچھوڑیاں دا.. اے پندھ… پندھیڑو دے وس توں باھر اے
شتُوت، ٹاہلی تے بیر جینویں
مسیر ہوندن… دلیر ہوندن… تے روندے پئے ہَن
نہ مہدی حسن دی کُو بکُو گاہ کے
چاچے نورے دی سوہنڑیں شرنا دے نال فیضُو دا دول وَگیا
عجیب چُپ ھا
تَلہا دے وچ چندر ترُٹ پیا ھا
میں ویندی واری
جہان وچ ہک جہان
ہَت نال بوڑیا ہا
جڈاں میں وستی کوں چھوڑیا ھا