میکدے دی خوراک تھی گئے ہیں
خون سڑ گئے چپاک تھی گئے ہیں

اپنڑے اندر دے سیک پکریے ہِن
اپنڑے سینے تیں چاک تھی گئے ہیں

در ولا باہندے ہیں نماشاں نال
لٹیے ور دی پشاک تھی گئے ہیں

ساڈے چہرے نشان قبریں دے
خاک توں پہلے خاک تھی گئے ہیں.

نَہسے پیتی تاں دوزخی ہاسے
پی کرائیں نیک پاک تھی گئے ییں.

جام کوئ گرم گرم ڈے ساقی
ٹھار نہ ٹھیک ٹھاک تھی گئے ہیں

اتنی قربت نصیب ناں ہئ پہلے
ہنڑ تاں بوتل دا کاک تھی گئے ہیں

روشنی دے جنون وچ شفقت
حلق سک گئے دھنواک تھی گئے ہیں