لاہور : ہونہار اسکالر شپ پروگرام کی رجسٹریشن کا آغاز ہوگیا ، طلبا کے لئے اپلائی کرنے کا طریقہ کار سامنے آگیا۔
تفصیلات کے مطابق وزیراعلیٰ پنجاب مریم نواز کی ہدایت پر ہونہاراسکالر شپ پروگرام کی رجسٹریشن شروع کردی گئی، پروگرام کے تحت 68ڈسپلنز میں سالانہ 30ہزارطلبہ کو سکالر شپ دیا جائے گا۔
اسکالر شپ پروگرام کے تحت 50 پبلک سیکٹریونیورسٹیز، 16میڈیکل کالجز ،131گریجوایٹ کالجز کے طلبہ کو اسکالر شپ دی جائے گی اور 4سال میں 130ارب روپے کےوظائف فراہم کئے جائیں گےاسکالر شپ پروگرام سے آئندہ 4سالو ں میں ایک لاکھ 20ہزار طلبہ مستفید ہوں گے۔
وزیراعلیٰ مریم نواز نے کہا ہے کہ ہونہاراسکالرشپ پروگرام کاآغازاہم سنگ میل ہے، پروگرام مستحق اور ہونہار طلبہ کیلئےمعیاری تعلیم تک رسائی یقینی بنائے گا۔
ان کا مزید کہنا تھا کہ اسکالر شپ پروگرا م اعلیٰ تعلیم کیلئے ذہین طلبہ کی مالی رکاوٹو ں کو ختم کرےگا اور نوجوانوں کےاعلیٰ تعلیم کے خواب پورے کرے گا۔