سپریم کورٹ کے آئینی بینچ نے فوجی عدالتوں میں سویلینز کے ٹرائل کے کیس میں زیرحراست افراد کو عام جیلوں میں منتقل کرنے کی استدعا مسترد کردی۔ پی ٹی آئی کے وکیل لطیف کھوسہ نے ملاقات کی اجازت کی درخواست کی، جس پر عدالت نے اٹارنی جنرل کی یقین دہانی کا حوالہ دیا۔ ایڈیشنل اٹارنی جنرل نے وزارت دفاع کے وکیل کی بیماری کا ذکر کرتے ہوئے سماعت ملتوی کرنے کی درخواست کی، جسے عدالت نے منظور کرلیا اور کیس کی مزید سماعت جمعرات تک ملتوی کر دی۔