تھلوچی نیوز کے مطابق ملک میں چینی کی قیمتوں میں 10 سے 15 روپے فی کلو کا اضافہ ہوگیا ہے۔ سٹے باز اور ذخیرہ اندوز چینی کی قیمتیں بڑھانے کے لیے رواں ہفتے کے آغاز سے ہی متحرک ہوگئے ہیں۔ بڑے دکاندار ایک کلو چینی 130 سے 135 روپے کے درمیان فروخت کر رہے ہیں جبکہ ایکس مل ریٹ 115 سے 125 روپے فی کلو تک پہنچ چکا ہے۔ چھوٹے دکاندار 20 روپے اضافے کے ساتھ چینی 140 سے 150 روپے فی کلو میں بیچ رہے ہیں۔ڈیلرز نے دسمبر کے دوران چینی کی تھوک قیمت 128 روپے فی کلو اور جنوری میں 133 روپے فی کلو ہونے کا امکان ظاہر کیا ہے۔ اس کے علاوہ فیوچر ٹریڈ کے تحت جنوری میں قیمت میں مزید 8 روپے تک اضافے کا خدشہ بھی ظاہر کیا جا رہا ہے۔