پنجاب اسمبلی میں عوامی نمائندگان کی تنخواہوں پر نظر ثانی کے بل 2024 کی منظوری کے بعد ایم پی اے کی تنخواہ 76 ہزار روپے سے بڑھا کر 4 لاکھ روپے کر دی گئی ہے۔ اسی طرح صوبائی وزیر کی تنخواہ ایک لاکھ روپے سے بڑھا کر 9 لاکھ 60 ہزار روپے، اسپیکر کی تنخواہ ایک لاکھ 25 ہزار روپے سے 9 لاکھ 50 ہزار روپے کر دی گئی ہے۔ڈپٹی اسپیکر کی تنخواہ ایک لاکھ 20 ہزار روپے سے بڑھا کر 7 لاکھ 75 ہزار روپے کر دی گئی ہے، پارلیمانی سیکریٹری کی تنخواہ 83 ہزار روپے سے بڑھا کر 4 لاکھ 51 ہزار روپے کر دی گئی۔ وزیر اعلیٰ کے مشیر اور معاون خصوصی کی تنخواہیں بھی ایک لاکھ روپے سے بڑھا کر 6 لاکھ 65 ہزار روپے کر دی گئی ہیں۔