وزیر اعلیٰ خیبر پختونخوا، علی امین گنڈاپور کو اشتہاری قرار دینے کی کارروائی شروع کر دی گئی ہے۔ یہ کارروائی پی ٹی آئی کے 24 نومبر کو اسلام آباد میں ہونے والے احتجاج کے معاملے پر کی جا رہی ہے، جس کی سماعت انسداد دہشت گردی عدالت کے جج امجد علی شاہ نے کی۔سماعت کے دوران عدالت نے علی امین گنڈاپور کا اشتہار جاری کر دیا، جسے حسن ابدال پولیس کو ملزم کی گرفتاری کے لیے تعمیل کروانے کی ہدایت دی گئی ہے۔ عدالت نے رپورٹ 21 جنوری تک پیش کرنے کا حکم دیا ہے۔ وزیر اعلیٰ خیبر پختونخوا کا اشتہار تھانہ صدر حسن ابدال میں درج مقدمے میں جاری کیا گیا ہے۔