آسلام آباد (مانیٹرنگ ڈیسک)پی ٹی آئی  کے رہنما فواد چوہدری نے اپنے ایک بیان میں کہا ہے کہ ملک عام انتخابات کی جانب بڑھ رہا ہے۔

سوشل میڈیا کی ویب سائٹ ٹویٹر بیان میں فواد چوہدری نے پاکستان تحریک انصاف  کارکنان کو الیکشن کی تیاری کرنے کی ہدایت دیتے ہوئے کہا کہ ملک عام انتخابات کی طرف بڑھ رہا ہے۔

فواد چوہدری نے مزید یہ بھی لکھا کہ ٹیکنوکریٹ حکومت جیسی سازشیں ناکامی سے دوچار ہوں گی، عام انتخابات کے نتیجے میں عمران خان ایک مستحکم حکومت بنائیں گے۔

دعویٰ

پاکستان تحریک انصاف کے رہنما نے سوشل میڈیا بیان میں یہ دعویٰ بھی کیا کہ موجودہ حکومت کے آخری ہفتے شروع ہو گئے ہیں۔یاد رہے کہ گزشتہ روز عوامی مسلم لیگ کے سربراہ شیخ رشید نے بھی اپنے بیان میں کہا تھا اپریل میں الیکشن ہوتے نظر آ رہے ہیں۔

بولو نیوز اردو