لیہ میں ضلع بھر سے سوشل میڈیا ایکٹیوسٹس کی ایک اہم میٹنگ ہوئی، جس کی قیادت ڈی پی او محمد علی وسیم نے کی۔ اس ملاقات کا مقصد کمیونٹی پولیسنگ کو فروغ دینا اور پولیس کے اچھے کاموں کو سوشل میڈیا کے ذریعے اجاگر کرنا تھا۔ڈی پی او محمد علی وسیم نے کہا کہ سوشل میڈیا ایکٹیوسٹس کو پولیس کی خامیوں کی نشاندہی کرنی چاہیے اور پولیس کے مثبت کاموں کی تشہیر کرنی چاہیے تاکہ عوام میں اعتماد پیدا ہو سکے اور پولیس اور عوام کے درمیان موجود خلا کم ہو سکے۔ انہوں نے مزید کہا کہ پولیس اور عوام کے باہمی تعاون سے ہی ایک پرامن معاشرے کا قیام ممکن ہے۔سوشل میڈیا ایکٹیوسٹس نے اس سلسلے میں اپنی تجاویز پیش کیں، جس کا ڈی پی او نے خیرمقدم کیا اور قابل عمل تجاویز کو سراہا۔ میٹنگ کا انعقاد پولیس لائن لیہ میں کیا گیا تھا۔