حلف برداری کی تقریب لاہور ہائیکورٹ ججز لاؤنج میں ہوئی، جہاں جسٹس عابد عزیز شیخ نے انہیں عہدے کا حلف دیا۔یہ عہدہ چیف جسٹس لاہور ہائیکورٹ جسٹس مس عالیہ نیلم کے بیرون ملک دورے کے دوران سنبھالا گیا ہے، اور ان کی واپسی تک جسٹس علی باقر نجفی قائم مقام چیف جسٹس رہیں گے۔ صدر مملکت نے جسٹس علی باقر نجفی کو قائم مقام چیف جسٹس مقرر کیا تھا اور وزارت قانون نے اس تقرری کا نوٹیفکیشن جاری کر دیا ہے، جو آئین کے آرٹیکل 196 کے تحت کی گئی ہے۔