وکلا نے ساتھی وکیل کو توہین عدالت میں 3 ماہ قید پر 17دسمبر تک ہڑتال جاری رکھنے کا اعلان کردیا۔

ہڑتال جاری رکھنے اور احتجاج کا اعلان لاہورمیں پنجاب بار کونسل کے کنونشن میں کیا گیا جس میں فیصلہ کیا گیا کہ 13 دسمبر سے 17 دسمبر تک پنجاب بھر میں مکمل ہڑتال ہوگی۔

وکلا کا کہنا ہے کہ 15 دسمبر کو پارلیمنٹ اور سپریم کورٹ کے سامنے دھرنا بھی دیں گے، اس روز اسلام آباد میں پارلیمنٹ اور اس کے بعد سپریم کورٹ کے سامنے وکلا کی صوبائی قیادت دھرنا دے گی جب کہ اسی دن آئندہ لائحہ عمل طے کیا جائے گا۔