راولپنڈی:(مانیٹرنگ ڈیسک)سربراہ پاکستان عوامی مسلم لیگ اور سابق وزیر داخلہ شیخ رشید احمد نےاپنے ایک بیان میں کہا ہےکہ زرداری نون لیگ سے پرانا حساب پورا کر رہا ہے، زرداری ایک کو لندن دوسرے کو رائیونڈ چھوڑ کر آئے گا۔

ٹوئٹر ٹویٹ

سماجی رابطے کی ویب سائٹ ٹوئٹر پر اپنےٹویٹ میں شیخ رشید احمد نے لکھا کہ پی ڈی ایم منہ چھپانے کے بجائے مقابلے کی طرف آئے ورنہ داستان پرینہ بن جائے گی، وزیر خزانہ کے بیان کے بعد فارن کمرشل اکاؤنٹ بھی لوگوں نے خالی کرنا شروع کر دیئے ہیں، ایک طرف آٹے کی لائن ہوگی، دوسری طرف بینک کے شٹر ڈاؤن ہوں گے۔

ایم کیو ایم اور پیپلز پارٹی

انہوں نے مزید کہا کہ پیپلز پارٹی ایم کیو ایم کی جنم جنم کی مخالف ہے، ایم کیو ایم الیکشن بائیکاٹ کے ساتھ حکومتی اتحاد سے بھی باہر نکلے۔

سربراہ عوامی مسلم لیگ نے مزید کہا کہ شہبازشریف کو بھی اعتماد کا ووٹ لینا ہوگا، نوازشریف واپس نہیں آئیں گے اور ان کی سیاست پر قل پڑھا جائے گا، کاؤنٹ ڈاؤن شروع ہے، 15 اپریل تک جنرل الیکشن شیڈول بھی آ جائے گا، عمران خان نے سیاست کا انداز بدل دیا ہے۔

بولو نیوز اردو