صوبائی حکومت نے منگل کو اعلان کیا کہ امام حسین رضی اللہ عنہ کے چہلم کے موقع پر کراچی اور صوبہ سندھ کے باقی حصوں میں تمام سرکاری اور نجی اسکول جمعرات (7 ستمبر) کو بند رہیں گے۔
چہلم کی تعطیل کے اعلان کے لیے جاری کردہ نوٹیفکیشن میں کہا گیا ہے کہ تعلیمی اداروں کی بندش کا فیصلہ صوبائی محکمہ تعلیم کی اسٹیئرنگ کمیٹی نے کیا ہے۔
حضرت امام حسین رضی اللہ عنہ کا چہلم جمعرات کو صوبہ بھر میں انتہائی سخت سیکیورٹی میں مذہبی جوش و جذبے اور عقیدت و احترام سے منایا جائے گا۔
یہ واقعہ 10 محرم 680 عیسوی کو کربلا کی جنگ میں حضرت امام حسین رضی اللہ عنہ اور ان کے 72 ساتھیوں کی شہادت کی تاریخ کے بعد 40 روزہ سوگ کی مدت کا اختتام ہے۔
صوبہ بھر کے مختلف شہروں میں ماتمی جلوس عالم، تعزیہ اور ذوالجناح کے ساتھ نکالے جائیں گے۔
چہلم کے جلوسوں کی حفاظت کے لیے سیکیورٹی کے فول پروف انتظامات کیے گئے ہیں۔

بشکریہ بھکر نیٹورک