جنوبی پنجاب ملتان کے ڈی آئی جی محمد شعیب خرم نے دفتر پولیس لیہ کا دورہ کیا، جہاں ڈی پی او محمد علی وسیم اور دیگر سٹاف نے ان کا پرتپاک استقبال کیا۔اس موقع پر، ڈی آئی جی نے شجرکاری مہم کے تحت دفتر پولیس کے لان میں پودا لگایا اور ملک کی سلامتی و استحکام کے لیے دعا کی۔بعد ازاں، ڈی آئی جی محمد شعیب خرم نے پولیس خدمت مرکز کا بھی وزٹ کیا اور وہاں تعینات سٹاف سے روز مرہ کی ورکنگ کے بارے میں دریافت کیا۔ انہوں نے شہریوں کو فراہم کی جانے والی پولیس سروسز جیسے کہ کریکٹر سرٹیفکیٹ، پولیس ویری فکیشن، ڈرائیونگ لائسنس، لرنر پرمٹ اور دیگر سہولتوں کے طریقہ کار کا جائزہ لیا۔ڈی آئی جی نے ہدایت کی کہ شہریوں کو فوری اور بغیر کسی تاخیر کے پولیس سروسز فراہم کی جائیں اور سروسز کے حصول کے لیے آنے والے شہریوں کے ساتھ خوش اخلاقی کے ساتھ پیش آیا جائے۔اس کے علاوہ، ڈی آئی جی محمد شعیب خرم نے ڈی پی او محمد علی وسیم کے جرائم کے خلاف اقدامات اور شہریوں کے تحفظ کے لیے کیے گئے اقدامات کو سراہا اور انہیں اطمینان بخش قرار دیا۔