تھلوچی نیوز:اینٹی نارکوٹکس فورس (اے این ایف) نے منشیات کی اسمگلنگ کے خلاف 8 کامیاب کارروائیاں کیں اور 3 ملزمان کو گرفتار کر لیا۔اے این ایف کے حکام کے مطابق، ان کارروائیوں میں 5 کروڑ 63 لاکھ روپے سے زائد مالیت کی 348.754 کلوگرام منشیات برآمد کی گئی۔کارروائیوں میں سیالکوٹ سے نیدرلینڈز جانے والے پارسل سے 5.4 کلو آئس برآمد ہوئی، جس پر ایک ملزم کو گرفتار کیا گیا۔ جی پی او لاہور میں برطانیہ کے لیے بک کیے گئے کپڑوں کے پارسل سے 500 گرام ہیروئن اور راولپنڈی میں ایک کوریئر آفس سے برطانیہ کے لیے جانے والے پارسل سے 54 گرام کیمیائی مواد برآمد کیا گیا۔بلوچستان میں قلعہ عبداللہ سے 156.8 کلو چرس، ضلع چاغی کے غیر آباد علاقے سے 90 کلو افیون اور 7 کلو آئس برآمد کی گئی۔ اسی طرح حب کے علاقے وندر سے 18 کلو افیون، 6 کلو ہیروئن اور پسنی کی کوسٹل لائن سے 60 کلو چرس بھی پکڑی گئی۔ساہو چوک ملتان کے قریب ایک کار سے 5 کلو آئس برآمد کر کے 2 ملزمان کو گرفتار کیا گیا۔اے این ایف کے ترجمان نے بتایا کہ گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔