پشاور میں بی آر ٹی سروس میں رواں سال چوری کی وارداتوں کی تعداد 27 تک پہنچ گئی۔ پولیس رپورٹ کے مطابق، پشاور کے 9 تھانوں کی حدود میں یہ چوری کے واقعات ہوئے، جن میں تھانہ خان رازق میں 5، ٹاؤن اور غربی میں 4، 4 کیسز درج کیے گئے۔رپورٹ میں بتایا گیا ہے کہ تھانہ شہید گلفت میں 4 اور حیات آباد کی حدود میں چوری کے 3 واقعات پیش آئے۔ ان چوریوں میں بی آر ٹی کے مسافروں سے 3 لاکھ 50 ہزار روپے سے زائد رقم، ڈھائی تولے سونا اور 18 موبائل فونز چوری ہو گئے۔پولیس کے مطابق، چوری کی وارداتوں میں ملوث 8 خواتین سمیت 28 ملزمان کو گرفتار کیا گیا، جن سے 3 لاکھ سے زائد رقم اور 17 موبائل فون برآمد کیے گئے۔