لیہ: ڈی ایس پی ٹریفک راؤ عمر فاروق نے خورشید سٹیڈیم چوک اعظم میں کھلی کچہری لگائی، جہاں شہریوں نے ٹریفک سے متعلق مسائل پیش کیے۔ڈی ایس پی عمر فاروق نے شہریوں کے مسائل سنے اور حل کے لیے متعلقہ افسران کو فوری ہدایات جاری کیں۔ انہوں نے شہریوں کو دوران سفر ٹریفک قوانین پر عمل کرنے کی تاکید کی اور کہا کہ محفوظ سفر کے لیے اقدامات کیے جا رہے ہیں۔ڈی ایس پی نے شہریوں کو تیز رفتاری سے گریز کرنے اور ہیلمٹ کا استعمال کرنے کی بھی ہدایت دی تاکہ سفر میں حفاظت یقینی بنائی جا سکے۔