خُلق خلوص دے مالک ہسن اے سارے لوگ تھلاں دے
ریت پر یت دے رکھوالے دن سارے لوگ تھلاں دے
بیت پیار محبت واسی پیرے اچ وی گولن
ریت اچ رُل گئے ریت دے قصے بن کے روگ تھلاں دے
ریت گرم دے ٹپڑے اچ وی مینہ دی پھینگ کوں ترسن
بگھ تس تے اے کال کر یہہ ہن سارے بھوگ تھلاں دے
پیر فرید دیاں کافیاں گاون اُٹھیں دے جت وال
اپنے پیر کوں سوری رکھدن بھل کے بھوگ تھلاں دے
سرت سنبھال تھلو چی من توں دھرتی ماء دی خاطر
اللہ جانے کے تائیں راہسن تیڈے سوگ تھلاں دے
جیکر لگ چھپ ایویں تیڈی روزی تھیندی رہ گئی
جودگی بن کے جالنہ میں پوسن بک ڈینھ جوگ تھلاں دے
شمشاد اے کافی ہن دھرتی دے ہار سنگھار دے کیتے
جالیں ، پوٹیاں لئی تے لانڈیں پوٹے پھوگ تھلاں دے
(میاں شمشاد سرائی)
